المتحف البحري.....في مدينة الرياض

السلام عليكم ورحمة الله وبركاته
قبل أمس قاعد أدور بشوارع الرياض, قاعد أغني لين جاني لوز وفرحان بالمكافأتين الي جتنا, مريت بشارع الضباب بالرياض وألقى شيء اسمه المتحف البحري (تخلي الغرفة التجارية على يسارك ومتجه جنوب يجيك على اليمين قبل كوبري الوشم على طول)
وقفت من باب اللقافة بتفرج,يوم دخلت واثره فندق!!!!انا طارت بوهتي وش السالفة فيه اسماك وسلاحف وتمساح وفيل ههههههه
تراني ما امزح بس الفيل كان تمثال وإلا التمساح يقولون ادخل ايدك بالحوض والوعد الشميسي أو التشليح هههههههههههه
قعدت أدور وألقى واحد شباب سعودي جالس يتكلم مع الناس والصراحة الرجال رحب فيني وماقصر وطلب لي عصير ليمون بالتفاح
طلع هو مالك الفندق ماشاء الله عليه وقعد يهرج انه مصمم الفندق على طريقة علم الطاقة الأسيوية, (شونج فو مادري أو فونج تشوي) صديق للبيئة-احسبه لعبة تيكن- والصراحة بلمت وطاحت خشتي وأنا اشفط بالعصير, يوم استدار راسي زلقت بعينه وقلت له بكم الليلة اخلص علينا<<اوم الاسلوب, قال لي إن الغرف عندهم أجنحة تبدأ من غرفة وصالة وحمام ومطبخ صغير لين خمس غرف وتبدأ من 450 إلى 1200,وفيه شقق الVIP والعرسان فيها كراسي مساج وكل شاشاتهم بلازما والحركات ذي.
الرجال متحمس مرة الله يخلف بحماية البيئة هههههههه ومفتتح نادي لمحبي البيئة والحياة الفطرية,ويقول ناوي يجيب محترفين من البرازيل<<ياخف دمي خخخخخ
قلت له ليش مافيه لوحات كبيرة برا؟قال حفاظ على البيئة!والله مادرت عنكم انتم وحفاظكم ههههههههه
الرجال,قال ترا حنا مسوين عرض مجاني!قلت وش مجانية قال يوم الأرض الجاي بــ26 مارس الإقامة مجانية عندنا,قلت يعني ببلاش!!!! قال ايه تدفع 15 بالميه حق الخدمة وتسكن ليلة عندنا وهذا العرض عشان يوم الأرض العالمي<<مهوب النصر- هذا يوم المهابيل الي يخافون على الارض ويشجعون على حماية الارض يعني ما تجدع قواطي ولا تتن وودهم أي واحد راعي مصنع يخسر هههههههه
قلت يعني كم 15 بالميه؟قال ستين ريال
اوووووم الفله ههههههههههههه قلت له بجيب أهلي واجي قال الله يحييكم وقال لي رح احجز بالريسبشن والرجال تحمس معي وبدا يشرح لي أنواع السمك -عموما مابي أطول عليكم هذي كم صورة للفندق وحاولت اخذ صور للغرف وقال لي الريسشبن ان الغرفة تنتفح بكرت وينحسب يوميه احس انه صرفني وزهقو مني خخخخخ وهذا رقمهم للي يبي يستغل العرض المجاني والوعد هناك ياشباب هههههههههههه 4023333
هذي صور لقطتها من موقعهم
http://www.aquarium-hotel.com/

[url=http://g.abunawaf.com/2011/3/22/Ami/image002.jpg][/url]

هذا الريسبشن

[url=http://g.abunawaf.com/2011/3/22/Ami/image004.jpg][/url]

فيه أحواض بكل جلسة وعلى الجدران

[url=http://g.abunawaf.com/2011/3/22/Ami/image006.jpg][/url]

هذي اسمها اكوا كافيه سويت فيها مثقف واقول ما فكرت باسم ثاني غير اكوا,سفهني شكله درى إني من جنبها

[url=http://g.abunawaf.com/2011/3/22/Ami/image008.jpg][/url]

هذا المطعم حقهم

[url=http://g.abunawaf.com/2011/3/22/Ami/image010.jpg][/url]

هذي صورة الفندق من برا

معليش طولت عليكم

منقووول

» ظهور جسم غريب في سماء الرياض
» يحاولون اقتحام مدرسة بنات بشمال الرياض !!!
» صور وصول المليك عبد الله يحفظة الله إلى الرياض